Ərdəbilin-imam-cüməsi-Ata-Buş-Azərbaycan-xalqına-böyük-zülm-etdi

10

 

Ərdəbilin imam cüməsi deyib: “Ata Corc Buş Azərbaycan xalqının haqqında böyük zülmə yol verdi və dünya azəriləri onun bu zülm və xəyanətini unutmayacaq.”

Qafqaz Mədəniyyət Mərkəzi – Ayətullah Amili bu həftənin cümə namazı xütbələrində deyib: “Corc Buş İslam Respublikasının süqutunu arzu edənlərdən biri idi, amma özü dastanlara qovuşdu.”

Xətib əlavə edib: “Corc Buş (ata) sırf millətçi idi. Onun cinsi dəliliyi var idi və 8 qadın ondan şikayət etmişdi. O, hakimiyyətdə olduğu müddətdə çoxlu cinayətlərə mürtəkib olmuşdu. İranın sərnişin təyyarəsinə hücum göstərişi də onun cinayətləri sırasındadır. Bu cinayət nəticəsində 60 nəfəri uşaq olmaqla 290 nəfər günahsız insan öldürüldü. O vaxt Buş Ronald Reyqanın birinci müavini idi.”

Ərdəbil əyaləti əhalisinin Rəhbərlik Ekspertlər Məclisində nümayəndəsi daha sonra deyib: “Corc Buş bu hadisə ilə bağlı dedi ki, mən Amerika tərəfindən heç vaxt üzr istəməyəcəyəm və mənim üçün həqiqətin hansı olduğunun bir əhəmiyyəti yoxdur. Mən Amerikanın hərəkətinə görə üzrxahlıq edən adamlardan deyiləm.

İndi o, ilahi məhkəmədə üzrxahlıq edir və ona belə xitab olunur: “Bu elə bir gündür ki, danışa bilməzlər. Onlara üzr istəməyə izin də verilməz.”

Ərdəbilin imam cüməsi C. Buşun Azərbaycan Respublikası ilə bağlı zülmünə işarə edərək deyib: “Sovet hökuməti Azərbaycandan ayrılmaq istəyən ermənilərin tərki-silah ilə bağlı qərar qəbul edilmişdi. Amma Qorbaçov Qarabağ ermənilərinin tərki-silah edilməsi prosesini dayandırdı. Azərbaycan Respublikasının sabiq prezidenti Ayaz Mütəllibov Ərdəbilin Aran radiosuna verdiyi müsahibədə bu məsələ ilə bağlı deyir: “Mən Qorbaçovdan bunun səbəbini soruşdum. O dedi ki, Amerika prezidenti Corc Buş (ata) mənə zəng edib ermənilərin tərki-silah olunmasını dayandırmağı istədi və dedi ki, bu, Amerika Konqresinin 40 nəfər üzvünün istəyidir.”

Mən Qorbaçova dedim ki, onlar Azərbaycanın tərkibindən çıxmaq istəyirlər. Sən niyə heç nə etmirsən? O dedi: “Mən belə bir böhranlı durumda xırda bir məsələyə görə Amerika ilə narazılıq yaranmasını istəmirəm. Ona görə də ermənilərin tərki-silah olunmasının dayandırılması məsləhətdir.”

Qorbaçova dedim ki, Qarabağ münaqişəsini həll etməsəniz, Sovet İttifaqı dağılacaq. Amma o, buna əhəmiyyət vermədi və bu hadisə baş verdi, nəhayət separatçılıq üçün şərait yarandı.”

Ayətullah Amili deyib: “Buradan yaxşı aydın olur ki, ata Buş Qarabağ münaqişəsinin yaranmasının və Azərbaycan torpağının işğal olunmasının əsas səbəbkarı olmuşdur. Amerikanın işğalıçı ermənilərə dəstək verməsi Azərbaycan və Ermənistanın müstəqilliyindən sonra da davam etmişdir.

Sovet İttifaqının dağılması, Azərbaycan və Ermənistan ölkələrinin müstəqillik əldə etməsindən sonra bu iki ölkə arasında Qarabağ müharibəsi rəsmi olaraq davam etdiyi bir vaxtda ata Buş öz dövlət katibi Ceymz Bikeri İrəvana göndərdi ki, Amerikanın Ermənistanı dəstəklədiyini onlara çatdırsın. O vaxt Ayaz Mütəllibov Ermənistanın tərəfini saxlayan Amerikaya etiraz etdi. Bu etirazdan sonra Buş dövlət katibinə Bakıya səfər etmək barədə göstəriş verdi. Ayaz Mütəllibov deyir: Həmin müzakirələrdə mənim üçün tam aydın oldu ki, Amerika öz qərarını vermişdir və Qarabağ münaqişəsinin həllində biz müsəlmanlar üçün heç bir kömək etməyəcək.”

İmam cümə deyib: “İndi Corc Buş Qarabağ şəhidlərinin cavabını verməlidir. O, ermənilərin bütün cinayətləri, o cümlədən Xocalı soyqırımına görə cavabdehdir. Kaş, Amerikanın Azərbaycandakı səfiri bizə cavab verirdi ki, bu qədər cinayətlərlə o, Azərbaycana dəstək verdiyini necə iddia edir? Amerikanın Azərbaycandakı səfiri bütün azərilərin sualı olan bu sorğuya cavab verməyəcək və azərilərin də onun cavabına ehtiyacı yoxdur. Çünki yaxşı bilirlər ki, Qarabağ şəhidlərinin qatilinin və Qarabağın əsl işğalçısının əsas nümayəndəsi Bakıda Amerika səfirliyində oturmuşdur.”